13336

Páll prófastur Ámundason á Kolfreyjustað fékk þann stað 1673 og hélt hann til dauðadags 1709 og var prófastur frá 1689. Hann var sonur Ámunda bónda í Skógum undir Eyjafjöllum Þormóðssonar Kortssonar kaupmanns Lýðssonar, og Sólveigar, konu Ámunda, Árnadóttur Eyjólfssonar á Reyðarvatni, sýslumanns í Rangárvallasýslu, Halldórssonar Ormssonar Einarssonar á Hofsstöðum Þórólfssonar (S-æf. IV. 426). Kona Páls prófasts var Þórunn Guðmundsdóttir lögr.m. á Keldum Torfasonar á Keldum Eiríkssonar Björnssonar á Keldum Þorleifssonar lögm. á Skarði Pálssonar og Valgerðar Halldórsdóttur lögm. Ólafssonar (S-æf. IV. 380). Séra Páll er talinn 61 árs 1703, en Þórunn 56 ára. Þ. b. þá hjá þeim: Guðmundur (18 ára), Ámundi (15), Torfi (14). Þórunn dó 12/3 1708. Sr. Páll dó 1709. „Lærður vel, stöðuglyndur og forsjáll fjárgæzlumaður“. Keypti mjög jarðir.

13337

a Guðmundur Pálsson varð prestur á Kolfreyjustað eftir föður sinn, 1709—1747, átti Þórunni Pálsdóttur prófasts á Valþjófsstað 8638 Högnasonar. Hann var talinn einhver auðugasti maður á landinu að fasteignum á sinni tíð og að lausafé einnig.

13338

b Ámundi Pálsson varð aðstoðarprestur í Heydölum hjá sr. Árna Álfssyni, en dó 1714, 26 ára, ókv., bl.

13339

c Torfi Pálsson, f. um 1689, bjó í Stóra-Sandfelli og var kallaður ríkur. Ekki þótti andlegt atgerfi hans mikið, og kölluðu hann margir Torfa hinn heimska. En búmaður var hann góður. Hann átti Ólöfu dóttur Einars prests á Prestsbakka Bjarnasonar. Þ. b.: Högni, Árni, Guðlaug, Kristín óg., bl., Rannveig, óg., bl. Torfi fékk veitingu Fuhrmanns amtm. fyrir Hallormsstað 31/8 1731, en Jón biskup Árnason neitaði að vígja hann sökum fákunnáttu í guðfræði og latínu. Var hann l vetur við nám syðra, en biskupi þótti hann enn of illa að sér. Þá fór Torfi austur 1732 svo búinn og fór að búa á Hafursá og síðar í Sandfelli.

13340

aa Högni Torfason bjó í Stóra-Sandfelli, átti Guðrúnu Magnúsdóttur 9114 prests á Hallormsstað Guðmundssonar. Þ. b.: Ólöf, f. um 1774. Áður en hann kvæntist átti hann 2 launbörn: Jón, f. um 1761 og Kristínu, f. um 1767, en ókunnugt er um mæður þeirra.

13341

aaa Jón Högnason bjó í Teigargerði í Reyðarfirði, átti Guðrúnu Árnadóttur 8993 frá Löndum Torfasonar, bræðrungu sína.

13342

bbb Kristín Högnadóttir átti Hávarð bónda á Ormsstöðum 1397 í Skógum Vigfússonar í Njarðvík Ólafssonar.

13343

bb Árni Torfason bjó á Löndum í Stöðvarfirði, átti Guðlaugu Sigurðardóttur 8958 prests í Heydölum Sveinssonar.

13344

cc Guðlaug Torfadóttir ólst upp á Hafursá hjá Hjörleifi Einarssyni (737) og varð síðan kona Árna bónda í Höfn í Borgarfirði Gíslasonar 10910 prests hins gamla á Desjarmýri. Varð hún móðir Hafnarbræðra, Hjörleifs og Jóns.